ਦੀਨਾਨਗਰ, 29 ਮਾਰਚ :-ਐੱਸ. ਐੱਸ. ਐੱਮ ਕਾਲਜ਼ ਦੀਨਾਨਗਰ ਦੇ ਯੁਵਕ ਭਲਾਈ ਵਿਭਾਗ ਵੱਲੋਂ ਪਿ੍ੰਸੀਪਲ ਡਾ: ਆਰ. ਕੇ ਤੁਲੀ ਜੀ ਦੀ ਪ੍ਰਧਾਨਗੀ ਹੇਠ ਮਨੁੱਖੀ ਕਦਰਾਂ-ਕੀਮਤਾਂ ਨਾਲ ਜੁੜੀ ਸਮਾਜ ਸੇਵੀ ਸੰਸਥਾ ‘ਐਜੂਕੇਟ ਪੰਜਾਬ ਪ੍ਰੋਜੈਕਟ’ ਵੱਲੋਂ ਲੋੜਵੰਦਾਂ ਨੂੰ ਜਾਗਰੂਕ ਕਰਕੇ ਉਨ੍ਹਾਂ ਨੂੰ ਆਤਮ ਨਿਰਭਰ ਬਣਾਉਣ ਲਈ ਸੈਮੀਨਾਰ ਕਰਵਾਇਆ ਗਿਆ।
ਪ੍ਰਿੰਸੀਪਲ ਸਾਹਿਬ ਨੇ ਸਰਦਾਰ .ਜਸਵਿੰਦਰ ਸਿੰਘ ਖਾਲਸਾ (ਯੂ.ਕੇ.) ਦਾ ਸਵਾਗਤ ਕੀਤਾ ਅਤੇ ਵਿਦਿਅਕ ਅਦਾਰਿਆਂ ਵਿੱਚ ਲੋੜਵੰਦ ਵਿਦਿਆਰਥੀਆਂ ਨੂੰ ਮੁਫਤ ਸਿੱਖਿਆ ਦੇਣ ਵਰਗੇ ਮਾਨਵਤਾ ਪੱਖੀ ਕਾਰਜਾਂ ਅਤੇ ਮਹਾਨ ਉਦੇਸ਼ਾਂ ਲਈ ਵੀ ਧੰਨਵਾਦ ਕੀਤਾ। ਸਭ ਤੋਂ ਪਹਿਲਾਂ ਸੰਗੀਤ ਵਿਭਾਗ ਵੱਲੋਂ ਪ੍ਰੋ. ਸੋਨੂ ਮੰਗੋਤਰਾ ਦੇ ਨਿਰਦੇਸ਼ਾਂ ਹੇਠ ਗੁਰੂਵਾਣੀ ਸ਼ਬਦ ਗਾਇਨ ਅਤੇ ਮੰਤਰ ਉਚਾਰਨ ਕਰਕੇ ਪ੍ਰਮਾਤਮਾ ਦਾ ਗੁਣਗਾਨ ਕੀਤਾ ਗਿਆ। ਪ੍ਰੋ. ਪ੍ਰਬੋਧ ਗਰੋਵਰ (ਡੀਨ ਯੁਵਾ ਭਲਾਈ ਵਿਭਾਗ ) ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਸਰਦਾਰ ਜੀ 1968 ਵਿੱਚ ਯੂ. ਕੇ ਵੱਸਣ ਦੇ ਨਾਲ ਨਾਲ ਪੰਜਾਬ ਦੇ ਲੋੜਵੰਦ ਵਿਦਿਆਰਥੀਆਂਨੂੰ ਸਿੱਖਿਆ ਦੇਣ ਅਤੇ ਗੁਰਬਾਣੀ ਨਾਲ ਜੋੜਨ ਦਾ ਸੰਕਲਪ ਲਿਆ , ਉਹਨਾਂ ਹੁਨਰ ਆਧਾਰਿਤ ਮੁਫ਼ਤ ਕੋਚਿੰਗ ਅਤੇ ਲੁਧਿਆਣਾ ਵਿੱਚ ਅਜਿਹੀਆਂ ਮੁਫ਼ਤ ਸਹੂਲਤਾਂ ਚਲਾ ਰਹੀਆਂ ਸੰਸਥਾਵਾਂ ਬਾਰੇ ਉਨ੍ਹਾਂ ਕਿਹਾ ਕਿ ‘ਪੜ੍ਹੋ ਪੰਜਾਬ ਪ੍ਰੋਜੈਕਟ’ ਰਾਹੀਂ ਅਸੀਂ ਲੋੜਵੰਦ ਵਿਦਿਆਰਥੀਆਂ ਨੂੰ ਸਿੱਖਿਆ ਦੇ ਕੇ ਮਨੁੱਖਤਾ ਦੀ ਸੇਵਾ ਵਿੱਚ ਜੁੱਟ ਗਏ ਹਾਂ।
ਸੰਸਥਾ ਦੇ ਵਰਕਰ ਸਰਦਾਰ ਜਗਦੀਪ ਸਿੰਘ ਜੀ ਨੇ ਇਸ ਪ੍ਰੋਗਰਾਮ ਲਈ ਕਾਲਜ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ। ਇਸ ਸਮੇਂ ਦੌਰਾਨ ਸਰਦਾਰ ਚਰਨ ਸਿੰਘ ਚਹਿਲ (ਐੱਸ. ਪੀ ਸੇਵਾਮੁਕਤ), ਧਾਰੀਵਾਲ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ | ਅੰਤ ਵਿੱਚ ਪ੍ਰਿੰ. ਸਾਹਿਬ ਨੇ , ਮੁੱਖ ਬੁਲਾਰੇ ਸਰਦਾਰ ਜਸਵਿੰਦਰ ਸਿੰਘ ਖਾਲਸਾ ਅਤੇ ਸਰਦਾਰ ਜਗਦੀਪ ਸਿੰਘ (ਯੂਥ ਕੌਂਸਲਰ) ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਪ੍ਰੋ: ਸੋਨੂੰ ਮੰਗੋਤਰਾ, ਪ੍ਰੋ: ਸੁਬੀਰ ਰਗਬੋਤਰਾ, ਪ੍ਰੋ: ਸੁਸ਼ਮਾ, ਪ੍ਰੋ: ਮਨਜੀਤ ਕੁਮਾਰੀ, ਪ੍ਰੋ: ਦੀਪਿਕਾ, ਪ੍ਰੋ: ਕੋਮਲ, ਪ੍ਰੋ: ਹਰਸ਼ਿਤ ਭੱਲਾ, ਪ੍ਰੋ: ਨੀਲਮ ਆਦਿ ਹਾਜ਼ਰ ਸਨ।
